Psa 120 | KYG | STEP | Nagaemo kana ya'mo ali'nova afina'mo Ala kava nefeke'mo alopa gefati'mo ge hu'na ha pai'nogeno afi'niye.

Psalms 120

Mono notegamo ugefe nehaiya vaya'mo kate'mo nehai'apae'mo nehaya yokemae

1 Nagaemo kana ya'mo ali'nova afina'mo Ala kava nefeke'mo alopa gefati'mo ge hu'na ha pai'nogeno afi'niye. 2 O Ala kava nene, hu'na, Apakaemo aigofe gemo huge humi apatege nehayanagi nagupi mafa'nemo alika katika ato.

3 Aigofe vaya'mogitapae, hu'na, anonatapilefe'mo na agufa ya'mo aligae. Goti'a lapakaetegamo haiya kava'mo hugiye. 4 Lokiya vekamo'a ako'ya keveleti'mo lapaegaiye. Hokanufa atamo'mo leno lapasagaligiye.

5 Avovo nehuve. Nagaemo hosu vaya'e'mo magokepi lokae'na mai'nove. Meseki nofi vaya'e Keta nofi vaya'e'mo magokepi lokae'na mai'nove. 6 Nagaemo lusi yatala afina'mo kame hisaya vaya'e'mo magokepi lokae'na mai'nova kava'mo'a kanale osiye. 7 Nagaemo, alagepa huta magokepi lokaeta maigune, hu'na hapa pai'nova'monanafa apakaemo kame hisayafeke'mo hapau'niye.